DeutschFrançaisItalianoRumantsch
Durant ils onns da guerra, ca. 1945, ha Karl Leder da Berna fundà la pitschna interpresa K.Leder-Kromer per fabritgar artitgels da tegnairchasa. L'artitgel ch'era l'entschatta il pli impurtant era il rispli per las faudas da stirar permanentas. Cun duvrar il rispli producì or da tschaira da Panama daventavan las faudas da las chautschas pli bellas e durablas. Ils 2 d'october 1947 ha il Verband schweizerischer Hausfrauenvereine (VSH) examinà e recumandà il rispli. El era er enconuschent sco il rispli da Panama.

Ils stgaudaments centrals eran da quest temp n'anc betg derasads. Uschia pudevi esser ch'in pedel stueva stgaudar l'enviern pliras pignas da charvun.
Karl Leder ha sviluppà il product da far fieu o-Pa-Ho (ohne Papier und Holz) per envidar directamain fieus da charvun. Ils 21 da zercladur 1948 ha il VSH er examinà e recumandà quest product.

Ins mida il num sin "Karl Leder, Universal-Anfeuerprodukt OPAHO"


1986 surpiglia Christian Nydegger da Steffisburg (BE) cun sia dunna l'interpresa da ses schef da blers onns. El sposta la producziun a Flamatt (FR) e maina vinavant l'interpresa cun il num existent. 
L'onn 2000 vegn il manaschi surdà a Reto Gächter, sesent a Grasswil (BE).
La producziun vegn spustada a Holderbank (SO). La spediziun succeda da Grasswil. L'interpresa survegn in nov num: oPaHo Anfeuerprodukte, Inh. Reto Gächter. Reto Gächter era precedentamain blers onns activ en l'industria da chartun. El ha midà l'emballadi da cumplain chartun a stgatlas plegablas da chartun ondulà.
2019 ceda Reto Gächter la producziun e la spediziun dals products d'envidar d'oPaHo a Daniel Joss da Glashütten (AG). La producziun sa chatta uss a Niederönz (BE).


Blers sa dumondan forsa, danunder che quest maletg vegn. Albert Lindegger, numnà Lindi, in fitg enconuschent caricaturist da Berna, ha fatg quest dissegn per Karl Leder. Quest maletg è vegnì dissegnà per intents da reclama ed è daventà in segn distinctiv.